29 March 18:28

१ एप्रिलपासून म्हशीच्या दूध दरात दोन रुपयांनी वाढ होणार


१ एप्रिलपासून म्हशीच्या दूध दरात दोन रुपयांनी वाढ होणार

कृषिकिंग, मुंबई: म्हशीच्या दूधाच्या दरात येत्या १ एप्रिलपासून प्रतिलीटर दोन रुपयांनी वाढ होणार आहे. ही वाढ केवळ सुट्या दूधावर होणार असून, अमूल, गोकूळ, गोवर्धन यांसारख्या पाकिटबंद दूधाचे दर मात्र कायम राहणार आहेत.

मुंबई मिल्क असोसिएशन अंतर्गत मुंबई आणि ठाण्यात जवळपास १,७०० डेरींचा समावेश आहे. वाढीव दरानुसार म्हशीच्या दूधाचा होलसेल दर ६४ रु. प्रतिलीटरहून ६६ रु. प्रतिलीटर इतका होईल. तर किरकोळ बाजारात म्हशीचं दूधासाठी ग्राहकांना ७० ते ७५ रुपये मोजावे लागतील.

चाऱ्याच्या किमतीत दिवसेंदिवस वाढ होत आहे. याशिवाय, कामगारांचे वेतन आणि वाहतूक खर्च वाढत असल्याने दूधाच्या किमतीत वाढ करण्याचा निर्णय घेण्यात आला आहे. येत्या १ एप्रिलपासून म्हशीच्या दूधाच्या किमतीत दोन रुपयांनी वाढ होईल आणि ही वाढ ३० सप्टेंबरपर्यंत कायम राहणार आहे.



टॅग्स